انتخبوني
1- فأنا مرشح أمريكا لكم لأنها سحبت محتوى عقلي أنا وزملائي، ووضعته في كفة الميزان، وفي الكفة الأخرى عقل فرخة Bird head وتبين أن عقلي هو الأقرب إلى عقل الفرخة .. وهذا هو معيار اختيار الرؤساء العرب عند العم سام، عكس الفراعنة الذين كانوا يزنون الأعمال بـ "ماعت" إله العدالة.

2- أنا ماعنديش برنامج، لكن عندي حلم من أضغاث الأحلام،

3- سوف أحرر لكم مصر من الإسلام والمسلمين الغزاة،

4- شعار حملتي هو النجمة ولون الكرافتة هو لون علم إسرائيل،

5- أنا بطل قومي عند اليهود .. هكذا قال رون بيشاي - السفير الإسرائيلي - لأنني سمحت بنشوب حرب ضد كل الذين يحاولون إعادة الإسلام لصدارة العالم،

6- أنا الأشبه بعبد الناصر، فأنشأت قوات التدخل السريع لأجتاح الجزائر وليبيا في ساعات معدودة .. زي ما عبد الناصر خاض حرب اليمن. صحيح هوه قضى على الغطاء الذهبي النقدي لمصر، بس أنا ماعنديش غطا خالص .. وبصراحة الثورة الجزائرية غايظاني لأنهم أيامها طردوا عائلة أمي مع كل اليهود. صحيح أحد قادة الجزائر هزأني، وقاللي تطهر قبل أن تذكر ثورة الجزائر على لسانك، وده هيكلفك قطع رأسك ورميك للكلاب، لكن انتو عارفين طبعاً إن دي قلة أدب منه،

7- أنا الل انتو محتاجين ليا يا مصريين .. لأنكم بتقولوا عايزين دكر .. وفيه دكر أكتر من كده .. خنت وخطفت الرئيس المنتخب، وحطيته في السجن، وألغيت الدستور المُستفتى عليه، وأنا صاحب الهولوكوست الحقيقي .. أكبر محرقة في التاريخ، وده إنجاز ماحصلش قبل كده (14 مذبحة في عام واحد: رابعة، رمسيس، أبو زعبل، المنصة، مذبحة الساجدين في الحرس الجمهوري، و7 مذابح للسيناوية، ودمرت رفح الحدودية على ما فيها بمن فيها، وعملت باستيل جديد في سيناء)، ولا يمر يوم إلا وعندي قتلى من الثوار،

8- أنا خلصت مصر من تيار الإسلام السياسي، وسميته إرهاب، وطبعاً الإرهاب مكانه القبر أو السجن .. وهو أيضاً قبر، لكن بطعم التعذيب البشع.

9- أنا ماعنديش حرام وحلال .. تسرق تقتل تنهب ترتكب الفاحشة أنت مواطن شريف،

10- لا عودة للأموال المنهوبة والمهربة،

11- أموال الإسلاميين الثابتة والمنقولة مستباحة،

12- أنا بَصَّمت دُولة حبيبي على قانون يسمح لي ببيع مصر حتى للصهاينة والأجانب، والقانون يمنع الطعن على عقود البيع،

13- أنا منحت مشروع إسكان للإمارات بالأمر المُباشر، وبمبلغ 280 مليار دولار، وده رقم قياسي عالمي محدش يقدر يحطمه حتى بعد عدة قرون .. شفتو أنا دكر ازاي؟!

14- أنا هدمت منظومة القيم والأخلاق عشان خاطر حريتكو، وتاخدوا راحتكو يا مصريين، أنا خليت أمكو المثالية رقاصة، وأذعت فاحشة الكاراتيه في النوادي ومراكز الشباب، ومخابراتي صورتها وسربتها عشان اكسرلكم عين القضاة والظباط، ولسه النوادي الكبيرة .. نادي الزمالك أنا سلَّمته لحبيبي محامي الرقاصات، ونادي الأهلي سلمته لحبيبي الكبير أوي ساويرس .. فانتظروا المزيد من الكاراتيه .. سوف تكون هي اللعبة الأولى في مصر،

15- القضاء مش هيقدر يشمخ عليكم تاني .. بعد ما خليته يحكم بالإعدامات الجماعية، والحبس العشوائي المفتوح .. كده تقدروا تكفروا بالقضاء، وترموه في البحر، وتحكمو بين نفسكو بنفسكو،

16- أنا سجنت ليكم أساتذة الجامعة، لأنهم بيتعالو عليكو، ويوجعو دماغكم .. حتى المُخترع الصُّغير أنا حبسته ومنعته من السفر لتمثيل مصر لأن الجهل سيد الأخلاق ..

17- أنا خليت الدستور يحاكم المدنيين أمام المحاكم العسكرية، لأنها محاكحم حنيِّنة زيِّي كده،

18- أنا خليت ميزانية الجيش والشرطة لا رقابة عليها، لأن دي مؤسسة عظيمة جداً ومُحترمة جداً!

19- أنا صاحب أكبر إنجاز في الصحة .. صوابع الفيروسات عملناها صوابع كُفتة .. وبالشفا يا مصريين!

20- أنا خليت الظباط والعساكر والمواطنين الشرفاء يشتغلوا وهما مستريحين نفسياً فمن حقهم يقتلوا أو يصيبوا الثوار بعاهات من غير ما حد يتحاكم أو يتحاسب!

21- لا تنسوا أنني صاحب كشوف العُذرية، وحبس حرائر مصر، وأشياء أخرى!

22- أنا براهن على الستات ال......... لأنهم بيحبوني وبيموتو فيا، بس مش عايز اعمل لهم مشاكل مع جوازهم .. عموماً البركة في أخويا الجاذب جداً للستات!

23- كل مشاكلكم ليها عندي حل .. الكهربا هحلها باللمبات الموفرة وبالعودة إلى العصر الحجري أو عصر الفحم، صحيح هيعمل شوية تلوث وأمراض .. لكن احنا كتير زي مانتو عارفين!

بقلم: #شافع_توفيق_محمود