منشقة عن "تمرد": هذه حقيقة تواطؤ صباحي مع السيسي .
اتهمت الناشطة السياسية غادة محمد نجيب، العضو المنشق بحملة تمرد، المرشح الرئاسي حمدين صباحي، قبل قرار مقاطعتها لانتخابات الرئاسة، بالتواطؤ مع منافسه المشير عبدالفتاح السيسي لخداع المصريين يوم 30 يونيو وطبخ الواقعة بينهم. وقالت "نجيب" في تصريح لها على صفحتها الشخصية "فيسبوك": امبارح كنت قاعده مع شباب فى حملة حمدين الرسميه وهم اعضاء ايضاً فى التيار الشعبى وقالوا الاتى : ان "صباحي" طمئنهم قبل 30\6 وقال لهم انا قابلت السيسى فى تأبين عبد الناصر وهو قالى انا معاكم وطمئنهم وحثهم على الاستمرار.. واستطردت: ولما شباب التيار سئلوه عن امكانية فشل 30\6 قاالهم باللفظ مفيش حاجه اسمها فشل دى مش موجوده فى الحسابات اصلا" . وتساءلت: "تفتكروا ليه حمدين كان متأكد اوووى كده من نجاح 30\6 ؟ بالرغم من تخوفاتنا جميعا انها تفشل ... الا لو كان فى تنسيق وهو مطمئن ومتأكد". وتابعت: "يوم 1\7 مساءً تلقوا مكالمه من حسين قرشم مسئول العمل الجماهيرى بالتيار الشعبى وطالبهم بتحريك الناس من ادام الاتحاديه الى دار الحرس الجمهورى للاعتصام ادامه " وده دليل للى بيفهم انهم ارادوا ادخال الجيش واظهار ان الملايين تستدعى الجيش وتريده". واستكملت: "يوم 3\7 ظهراً قال باركلهم وقالهم مرسى مشى خلاص وتم التحفظ عليه ولما سئلوه ازااى قالهم خلاص السيسى قبض عليه وهيعزله ... بالرغم من ان خطاب السيسى بتاع 3\7 لم يكن قد قد اذيع ولو تفتكروا انه اللقى الخطاب فى المساء". وقالت: "وبعد فض رابعه كان فى اجتماع لمركزية التيار واحد الشباب قام سأله ايه رئيك فى اللى حصل فى رابعه .. فكان رده انه طبيعى وان السيسى كان لازم يعمل كده وان الفض كان مقبول ... فانفعل الشاب عليه وقاله ايه اللى انت بتقوله ده دى كانت مدبحه ازااى تقبل بكده ازاى تقولنا ان السيسى كان لازم يعمل كده فقام حسام مؤنس بالامساك بالشاب لمحاولة تهدئته واخرجوه برا الاجتماع وقعدوه فى غرفه مجاوره وكان فى شخصان موجودان بالغرفه وبعد حوار دار بينهم عرف ان احدهم ظابط امن دوله والاخر تاابع للمخابرات وانهم مكلفون بحراسة حمدين صباحى". واختتمت: "ولو هتقولى ان ده طبيعى عشان ربما يكون حمدين مستهدف بسبب مشاركته فى 30\6 .. اقولك ليه معملوش كده مع البرادعى وعلى العكس البرادعى شارك فى الحكومه وكان مستشار عدلى منصور ومع ذالك اطلقوا عليه كلاب الاعلام ينهشون به ... ده غير قضية اسقاط الجنسيه ".. ولذلك مقاطعه للمهزله الانتخابيه ... مقاطعه لمسرحية حمدبن والسيسى".

بقلم: #شبكة_مسلم