"عيش لوحدك ... وسيبنى أعيش"
جيت أرد على من يتسأل فين المصوتين؟؟ ولاقيتها قلبت معايا بشعر ثورى، وسميتها:
" عيش لوحدك وسيبنى اعيش"
مستغربا منك يا من تسأل اين الناس والناخبين والمصوتين؟؟
وبسالك؟؟ .. هو انتوا كنتوا عايشين ما بينا وشايفين ولا انتو كنتوا برة مهاجرين؟
دا ال... مشاهدة المزيد
جيت أرد على من يتسأل فين المصوتين؟؟ ولاقيتها قلبت معايا بشعر ثورى، وسميتها:
" عيش لوحدك وسيبنى اعيش"
مستغربا منك يا من تسأل اين الناس والناخبين والمصوتين؟؟
وبسالك؟؟ .. هو انتوا كنتوا عايشين ما بينا وشايفين ولا انتو كنتوا برة مهاجرين؟
دا ال حصل وبينحصل على مرئى وسمع من الداخلين والخارجين.
هو انتو للدرجه دى مشفتوش الغلط ولا مش عاوزين وللحقيقه ناكرين؟؟
- منتوش شايفين الناس ال بتنقتل وبالرصاص الحى منصابين!.. ولا الناس ال بتتحبس وبتتسحل! وناس بتتعذب جوة السجون مظاليم .. وناس بحسرتها تموت على عيالها وبدل الموته مرة لا بيموتوا سنين!!
- منتوش شايفين دم الشباب ال ضحى وال مات!! .. وال عنده امل فى بكرة بيتسرق ومطلوب سكات.
- منتوش شايفين الصاحب ال فارقه صاحبه .. والاب ال بيتعزى فى ابنه .. متتكسفش وأسالها نفسك ، وهو مين يتعزى ف مين؟؟
- منتوش شايفين اعلام كذاب وقضاء فساد .. وحراميه بريئه وشرطة بزيئه .. وفلول بتعود ونظام ابن كلب بيسود!!
- منتوش شايفين قضائنا وهو بيدي اعدامات وقضايا بتتلفق للشخص ال مات .. وتيجي تقوله العصابه اخدوا البراءة يقولك اصل دا ماضي فات.
- منتوش شايفين بدايات التقشف، والنور ال دايما بيقطع .. والاسعار ال بتغلى والفواتير ال بتعلى والمصاريف ال بتزيد!!
- منتوش شايفين البلد ال انوقف حالها وحالنا .. واتباعت لدول علشان للانقلاب على الثورة ممولين!!
- منتوش شايفين الممثلــــيـــن، والشيوخ ال بتتاجر بالدين .. والبلد ال اتملت منافقين، والشاشات ال كلها معرصين .. والانصار ال حتى على الغلط مطبلين ومبررين وساكتين وكل كلمة ليهم "أمين أمين أمين"!!
- منتوش شايفين ال طلع يأله ، وال حملى بنجمه .. وال قال ربنا ابتعث رسولين هم السيسي ومحمد ابراهيم، وال من جهلهم مش مكسوفين!!
- منتوش شايفين شيوخنا ، وال قالك اضرب اكتر اقتل اكتر اسجن اكتر .. دم مين وحرمة مين؟ دا انت اولى بربي منهم بس مقالش ربه مين؟؟
- منتوش شايفين العصابة وال نازلين تخوين فى الاراده .. ودا وطنى ودا عميل ودا خاين ودا جميل!!
- منتوش شايفين الناس ال على الرصيف والشباب ال بقى كفيف والمستقبل ال بقى مخيف والربيع ال اتحول خريف!!
- منتوش شايفين السهوكه والعقلية المفبركه ونظرات المراهقه المضحكه! .. والكلام الممحون والتفكير ال مش مفهوم والحديث ال ملهوش مضمون !!
- منتوش شايفين البرنامج الطريف والحل الظريف والبديل اللطيف والكذب السخيف!!
- منتوش شايفين الديكتاتور والشخص ال مليه الغرور وال بينا وبينه سور .. وال عاوزنا نتقشف وهو وغيره ساكنين قصور!!
- منتوش شايفين الشحاته الميه ميه، وتيجى تسأله يقولك التلاته على عربيه، وخدها كعب لحد الجامعه، والنوووور خلاص مش هيقطع حط لمبة توفر اكتر.
كل دا مش شايفينه .. كل دا جواكم ناكرينه!!
مبقتش عارف يا شعب العصايه والسياط يضربوك عل القفا وانت تنساق، وتقولى اكل واشرب المهم انى اعــيــــش .. ويولعوا مدام بعيد .. اى عيشه !! .. عيش لوحدك وسيبنى اعيش ..انت عيشتك دى بمهانه تنضرب ومتقولش يانا.. راضي بفتات الفتات ونازل شتيمه فى ال حى وال مات .. معرفش ايه ال جبرك وال كاسرك وال هزمك!!
عل العموم، انا عيشتى بكرامه ، وصوتى دايما للحق دانه.. وبالعدل هيجي الأمان .
بكرة الدور ييجي عليك والفقر فاتح دراعاته ليك .
ساعتها هتعرف ليه منزلش كل حر ومواطن شريف .. وال قبلته يتعمل فى ولاد بلدنا، بكرة هيتعمل اضعافه فيك.
انا خلاص خلص كلامى .. واما اسكت! الكلام يجرى تانى على لسانى.. بس هسكت لانى عارف .. عارف ان مفيش فايده فيك.
كلمه تانى هقولها اكتر ومش همل وهفضل اكرر.
"عيش لوحدك ... وسيبنى أعيش"
احمد البنا
#مرسى_رئيسى #انتخبو_العرص #الخائن_الخسيسي #كلنا_اخوان #شبكة_صوت_الحرية https://www.facebook.com/weAgainstinjustice?ref=bookmarks
