وفجاة المظاهرات الاحتفالية المفتعلة لمؤيدي السيسي مبقتش بتقطع الطريق
وفجاة المظاهرات الاحتفالية المفتعلة لمؤيدي السيسي مبقتش بتقطع الطريق ولا بتعطل المرور ولا بتاذي ناس في اكل عيشها ولا بتوقف عجلة الانتاج ولا يلزملها قانون تظاهر.
وفجاة صلاة مرسي اللي بتكلف الدولة مش عارف كام الف وموكب مرسي اللي مكلف الدولة كام مليون بقوا اتقل علي ماسر من يوم اجازة مكلف مصر مليار عشان الباشا بيخاف ينزل وفيه حد في الشارع.
وفجاة التحرشات والرقص والقبلات مبقتش حاجة وحشة زي ماكانت في وقت من الاوقات سبة للثوار الوحشين الكخة.
وفجاة الشحاتة من الخليج بقت موقف وطني وعروبة وبلا بلا بلا لكن الشحاتة من قطر كانت اهانة وبطيخ.
وفجاة الكفتة بقت بتعالج الفيروسات والملاريا بقدرة قادر بقت فيروس والناس متكيفة لكن اينار كان نصب من الاخوان ومن مرسي.
وفجاة قتل 10 بقي جريمة وخيانة عظمي لكن قتل 3000 وطنية وحكمة.
وفجاة قانون التظاهر كان في 2012 اخونة لكن في 2014 فلسفة.
وفجاة كان حزب النور في 2012 بيدخل السياسة في الدين لكن في 2014 بيمارس دوره في الجماعة الوطنية.
لكل مؤيدي السيسي اللي بيتعاملوا وكانهم من بنها وبراءة الاطفال في عينيهم وهم بيقولوا احكموا عليه بعد مايمسك.
انتم وال كانوا قبل كدا سواء على فكرة.
انتم شايفين الباطل كويس جدا وعارفين الحق كويس جدا جدا
شايفين الاخطاء وعارفينها وبتكابروا او مش عاوزين تاخدوا بالكم من ال بيحصل ،وبتقولوا خلونا نخلص.. بس عاوز اقولكم عمر السكوت عن الغلط ما بينقذ بلد ولا يعمر دوله ولا هيخلينا نخلص.. بالعكس والله دا بيعقدها اكتر..
والمشكله بقى اما حد فينا يتكلم عن الغلط بيبقى كل حاجه وحشه فى الدنيا ومبيبقاش نازلكم من زور مع اننا كنا برده بننتقد الاخطاء بتاعة الاخوان وكنا ساعتها فى نظركم Hero .
على العموم كل واحد فينا مسئول عن مواقفه وهيتسئل عنها وعند الله تجتمع الخصوم.
ربنا يحفظ البلد دى ويحقق احلمنا فيها وليها ان شاء الله.
Ahmed Hamdy Elbanna
احنا_متراقبين
#ارحل_يا_عرص #مرسى_رئيسى #كلنا_مسلمين #شبكة_صوت_الحرية
