المحامي أحمد الكردي ............... ما فيش معتقلين في مصر!
امن الدوله جت العماره عندنا واخدت الاستاذ محمود جارى امام مرأى ومسمع مننا جميعا ... الراجل بكل ادب راح معاهم وقالى خليك معايا متسبنيش واحضر معايا التحقيقات .. وانا دايما بينى وبينه خلاف بسبب الاتجاه السياسى بس بكل ادب واحترام .. الظابط اخدوا ومكنش معاه غير المحفظه والموبايل وده كان قدامى انا ووالدى وجيرانا ... وخدوه وطلعوا على امن الدوله ... انا بصراحه مكنتش هحضر التحقيق بس روحت عشان خاطر العيش والملح وعشان الجيره وعشان مشفتش منه حاجه وحشه على مدار 28 سنه .. وعشان اعرف ايه القضيه اللى هتتعملوا وهل فعلا الداخليه بتلفق ولا لا عشان ابقى قارى للاحداث ... انهارده دخلت التحقيق لاقيت المفاجأه !!!
# 7
# اتهامــــــــــات 1 / الانتماء لجماعه ارهابيه محظوره تسعى لقلب نظام الحكم 2 / حيازة واحراز اسلحه ناريه وخرطوش واسلحه بيضاء 3 / الخروج فى مظاهرات تسعى لزعزعة الامن العام واستخدام اسلحه ناريه لمقاومة السلطات والتحريض على قلب نظام الحكم 4 / التظاهر بدون تصريح من الجهات المختصه 5 / حمل اشارات ومنشورات ومطبوعات تدعو لتهديد الامن العام وقلب نظام الحكم ومخالفة الدستور وزعزعة الاستقرار 6 / تعطيل حركة المرور وقطع الطرق واشعال النيران والتسبب فى تعطيل حركة النقل والمواصلات 7 / تهديد الامن القومى للبلاد والدعوى لتعطيل الدستور واستخدام العنف ضد نظام الحكم الحالى ... ولما طلبت من رئيس النيابه سماع الشهود وسؤال ظابط الواقعه القائم بالضبط ضحك وقالى .. ( هو حضرتك اول مره تحضر تحقيق مع حد من الاخوان يا ستاذ ؟؟ ) قلتله وهو الاخوان يفندم ليهم قانون لوحدهم بيتطبق عليهم ولا ايه !!! مش برضه ياباشا حضرتك ملزم بتطبيق القانون وتلبية طلباتى كدفاع عن المتهم ؟؟ قالى يا متر قضايا الاخوان القرارات اللى بتصدر ضدهم قرارات سياسيه .. قلتله مع احترامى لحضرتك ده قانون عزه وبعدها ثبت طلباتى وخرجت من غرفة التحقيق وساعتها فهمت وتيقنت ان الناس اللى طول اليوم قارفنا بتطبيق القانون هما اول ناس هتكوا عرض القانون !!!!!
وبحمد ربنا انى حضرت الواقعه من اولها لاخرها عشان لما ييجى حد يقولى مفيش ظلم والاخوان يستاهلوا وكلهم ارهابيين اعرف ارد عليه واقوله حسبى الله ونعم الوكيل ولكل ظالم نهايه ...
المحامي أحمد الكردي
#مكملين #احنا_متراقبين #ارحل_يا_عرص #مرسى_رئيسى #كلنا_مسلمين #شبكة_صوت_الحرية
