الدروس المستفادة من اليومين دول:
1- الفوضى اللى عايشين فيها بقالنا 3 سنين مصنوعة و قرار من الداخلية ... لا البياعين متوحشين ... و لا المقاولين بيرفعوا سلاح ... ده قرار فساد واخداه الداخلية و لما قرروا يرجعوا فى كلامهم ابتدوا بالغلابة كالعادة ... يبقى اللى بيسقفلهم لازم يعرف إنه أهبل لما كان بيصدقهم فى الأول.
.
2- فلوس مبارك و كلابه اللى قاعدة تلف و تدور بقالها 3 سنين و يقولك ما ينفعش و القانون و منظرنا قدام العالم ... كل ده استعباط و استنطاع ... الفلوس و الشركات و المدارس ممكن تتصادر عادى زى ما بيحصل ... بس بالمزاج ... ياللى مصدق خليك مصدق.
.
3- عقوبات الإعدام للى قتل و اللى أفسد ممكن تحصل ... و الظباط اللى طلعوا براءة عشان شيوع التهمة مع وجود الفيديوهات و شهادة الشهود فيه قصادهم 500 اتحكم عليهم بالإعدام فى مقتل نفر واحد .. على أساس إن كل واحد فيهم متصور و هو بيقتله !! ... و بالنسبة للتهم فى ناس بتتعدم عشان قطع طريق و عشان افساد السلم الأهلى و ناس بتاخد 17 سنة و مؤبد عشان مظاهرة ... يعنى العدالة كان ممكن تتحقق بس برضه بمزاج البيادة مش بمزاجك انت.
.
4- بعد ما طلعوا الكلاب كلهم برة السجن عشان الحبس الاحتياطى بالقانون سنتين بس ... اتغير القانون عادى جدا و بقى الحبس الاحتياطى أوبن إند .. و فى آلاف محبوسين على ذمة قضايا كوميدية بقالهم سنة و لا بيتحاكموا و لا بيطلعوا .. أصل القانون ممكن يتغير عادى بس على ناس و ناس.
.
5- المحكمة الدستورية العليا كانت واقفة اسد و عملت (أن دو) لكل خطوة ديموقراطية مشينا فيها و لكل قانون حساس اصدرة مجلس الشعب و فى الآخر حلت المجلس كله ... عشان خاطر الدستور ده قرآن لازم يحترم ... دستوركم بيمنع وضع النقابات تحت الحراسة و فيه نقابتين لحد دلوقت تحت الحراسة ... دستوركم بيحصن الملكية الفردية و بيمنع مصادرتها ... و المصادرة شغالة ... دستوركم بيحدد اجراءات معينة لتقييد الحرية و القبض و الحبس ... بس قانون الحبس الاحتياطى اتعدل عادى فى مخالفة مرعبة للدستور ... و فى مئات بيتخطفوا و يتعذبوا و بعدين يروحوا النيابة عادى و النيابة تستلمهم و المحكمة تحكم ... دستوركم بيتكلم عن تكافؤ الفرص و الحفاظ على ثروات البلد ... و رئيس المحكمة الدستورية لما كان ريس عدل قوانين المزايدات و المناقصات و منح حقوق استغلال للدهب و البترول بدون الالتزام باى معايير فى مخالفة مفجعة للدستور .... صباح الخير يا محكمة يا دستورية ازيك عاملة ايه.
.
فى ناس مش مركزة و مش متابعة التفاصيل و بتسقف و تفرح و خلاص ... دول ربنا ينور بصائرهم مع إن إنت مسؤوليتك إنك تدور على الحقيقة و الصح و تشغل مخك ....اللى فاهم و عارف كل الكلام ده و مصمم يفرح و يسقف يبقى ده اختياره الشخصى... هو اختار بإرادته ينصر باطل واضح لكل ذى عين ... و انا عن نفسى بادعى ربنا ينتقم منه دنيا و آخرة..

#هل_صليت_على_النبي_اليوم
#لن_تركع_امة_قائدها_محمد
#مكملين
#احنا_متراقبين
#ارحل_يا_عرص
#مرسى_رئيسى
#كلنا_مسلمين
#شبكة_صوت_الحرية

بقلم: #عمرو_حلمي