مأساة المجند المصري

عساكر الوادي الجديد :

1) اولا ملهمش واسطة عشان كده دخلوا سلاح تقيل زي حرس الحدود ، بعكس عساكر الواسطة اللي بيدخلوا اسلحة خفيفة او بيقضوا جيشهم في البيت زي سلاح ( الدفاع الشعبي ) ..
2) ملهمش معرفة داخل الوحدة او القيادة ، عشان كده اترموا في اخر الدنيا ( الفرافرة ) ، بعكس عساكر المعارف اللي بيقعدوا في استراحات السادة الظباط يغسلوا لهم الهدوم ويلمعوا لهم البيادات ..
3) عايشين في ظروف ما يعلم بيها الا ربنا ، معاملة غير ادمية وحياة صعبة جدا وحر وصيام ، وكمان انعدام تام لأي تأمين او معلومات مسبقة بشأن العدائيات المنتظرة او طبيعة المنطقة اللي عايشين فيها ..
4) مفيش تدريب ولا استعداد لأي حاجة ( زي كل مكان في الجيش ) ، الحياة بتعدي يوم بيوم ، والعساكر من الغلب اللي هما فيه والسخرة اللي بيتعاملوا بيها مش بيفكروا في حاجة غير انهم يخلصوا خدمتهم ويتعتقوا من عبودية الظباط ووساخة ظباط الصف ..
5) العسكري اللي مات كان مطلوب منه انه يحمي نفسه وسلاحه ومعداته والسيد القائد اللي نايم او قاعد يتفرج على مسلسلات رمضان في المبيت ، ويحمي مخزن الذخيرة اللي اتضرب وهو مفيش حيلته غير بندقية الله اعلم شغالة ولا لا ، ومش مسموح ليه اصلا يستخدم الذخيرة الا باذن القائد ( دا اساسا لو معاه ذخيرة ؛ لأن كل اللي دخل الجيش عارف ان الغالبية العظمى من الوحدات بتوقف العساكر خدمة بسلاح بدون ذخيرة ) ..
6) العسكري دا صاحي من الساعة 5 الفجر ( ومش بينام طول اليوم الا 3 او 4 ساعات متقطعة ) وهو صايم بدون هدف محدد حتى لو مش وقت خدمته ، عشان يلم الزبالة وينضف مبيت حضرة الظابط ويقف طوابير ملهاش 30 لزمة الا هد الحيل وارضاء غرور ضباط وضباط صف مرضى نفسيين يتلذذون باذلال المجندين واحالة حياتهم الى جحيم عملا بالقاعدة العسكرية المشهورة والوسخة " اتعب العسكري يريحك " ..
7) كل الكلام اللي فوق دا مش هتسمع عنه في أي وسيلة اعلامية او عسكرية ، لأنه ببساطة بيشاور مباشرة على السبب الحقيقي في موت 31 بني ادم ملهمش أي ذنب الا ان حظهم خلاهم مجرد حطب لنار دولة فاشلة وفاسدة ارواح البني ادمين فيها ملهاش تمن ، والانكى من كده ان نفس الدولة الفاسدة هتاجر بدم الضحايا من اجل تجييش ضحايا اخرين ( غلابه برضو ) للمطالبة بأي شئ الا حقوق من ماتوا !

#مكملين
#احنا_متراقبين
#ارحل_يا_عرص
#مرسى_رئيسى
#كلنا_مسلمين
#شبكة_صوت_الحرية

بقلم: #مصطفى_الفقي_: