روفائيل ساويرس او كما كانو ينطقونه رافائيل سوارس .. فمن هو ساويرس؟

رافائيل سوارس (1846 ـ 1902) واخواتة يوسف (1837 ـ 1900) وفيلكس (1844 ـ 1906) من عيلة يهوديه سفارديه هاجرت من ليفورنو فى إيطاليا و استقرت فى مصر في النص الأول من القرن التسعتاشر.

أسس مع اخواته مؤسسة سوارس Suares سنه 1875

وفى سنه 1880، أسس رافائيل سوارس، البنك العقارى المصرى مع رأس المال الفرنسى ومع شركات رولو وقطاوى. وفى سنه 1898 أسس مع رأس المال البريطانى البنك الأهلى المصرى, وتمويل بنا خزان اسوان.

اشترت عيلة سوارس مع عيلة قطاوى 300 ألف فدان من أراضى الدايره السنيه وبعدين باعوها لكبار الملاك والشركات العقارية. وبرضه اشترك سوارس مع رأس المال الفرنسى في تأسيس شركه عموم مصانع السكر والتكرير المصريه سنه 1897 واللى ضمتها سنه 1905 شركة وادي كوم أمبو المساهمه، وكانت من أكبر المشروعات المشتركة بين شركات قطاوى وسوارس ورولو ومنَسَّى، و كانت برضه واحده من أكبر الشركات الزراعيه فى مصر شارك كمان سوارس فى تأسيس شركة مياه طنطا. اما فى مجال النقل البرى، أسست العيله شركة "سوارس لعربات نقل الركاب"، حتى أن وسيلة النقل دى اتسمت على اسم العيلة: "السوارس"

وكمان تعاونت عيله سوارس مع عيله قطاوى في إقامه السكك الحديديةالمصريه. كمان امتلكت العيلة مساحات واسعة من الأراضى الزراعيه واراضى البنا فى وسط القاهره لدرجه انه اتسمى واحد من الميادين باسم "ميدان سوارس" نسبة إلى فليكس سوارس، لكن اسم الميدان اتغير لميدان مصطفى كامل من سنه 1939.

امتلكت عيلة سوارس حصص وأسهم في شركات كتيره ، وكان كثير من أفرادالعيلةفى مواقع رياسية وإدارية . فكان ليون سوارس (ابن فليكس سوارس) مدير شركة أراضى الشيخ فضل ومدير شركه وادي كوم أمبو. ولما مات ابوه ترك ليون مؤسسه سوارس علشان يخلف ابوه فى إدارة البنك الأهلى المصرى والبنك العقارى المصرى .

اما إدغار سوارس فكان ريس الجماعه اليهوديه في اسكندريه في الفتره من 1914 - 1917



#مكملين
#احنا_متراقبين
#ارحل_يا_عرص
#مرسى_رئيسى
#كلنا_مسلمين
#شبكة_صوت_الحرية

بقلم: #ويكيبديا