"اللى صان العرض يسلم "
كلمة قالوها العبيد
ومن يومها عرضك يابلدى
فى الشوراع
طايح شـــــريد
وصرخته على الارض
كــــل ثانية تزيد
فى جبل الحمول
والاهة والتنهيد
آه يابلدى
يادمعة الايتام
فى يوم العيد
ياسجن كبير
وكل يوم
اغلاله تزيد
لا نافع معاكى
خصام ولاتنديد
متعلقة فى رقبتى
كما الطفل الوليد
متصورة على الحيطان
وريحة الارض
فى الغيطان
والمطر وصوت البرق
وطرف شال الصبية
لما طل من المشربية
فى باب الخلق
يابلدي
حبك فى قلبى
زى وشم اندق
بحبك
مهما تقولى لاء
جميلة والف مدنة
زيناكى
صوت الادان
من جامع السلطان
يروى قلوب العطشانين
لصوت الــــــــحق
بحبك ولو قلتى الف لاء ولاء
ياضحكة العواجيز
وسجادة الصلاة
ودعا امي لى
ساعةالفجر
ودموعها
يسمعها قلبى
يفيض ويرق
بحبك
فى زينة ونور رمضان
نغزلها من بيتنا للجيران
فى هلته الحلوة
تهرب الاحزان
وتستخبى ف اقرب شق
والمسحراتى
طبلته تغنى ليلاتى
دوم........دوم
دوم دوم....دق
ولمتنا حوالين
صيجان الكحك
ومناكشة الستات
واحدة تقول نقشتى حلوة
والتانية تقول انا اللى ارق
وابو العيال يخاف
عل المهية تخلص قبل الشهر
وخبيرة ماليه
على وشها بسمة
لو شافها...دوغرى
يموت القهر
تحسبها ....تعدلها
تقضيها ولو بالزق
بحبك مهما تقولى لاء
فى ريحةاكل امي
لما يمر علبالى وانا بذاكر
وهدوم ابويا لما للشقى يسافر
وحكاوي .....غناوى
عبد الحق
بياع التين
يبدئها بالصلاة عالزين
وسيرة الهلالى
اللى هزم الزناتى
ودق عضام جنوده دق
بحبك مهما تقولى لاء
آه يابلدى
ياوحشانى !!!!!!!!!
فينك ؟!!!!!!!
اتكعبلتى
لما شبكواا طرحتك بفستانك
واتعريتى...........
وقالوا ....العويل صانك!!!!!!!!!!
بدر ......بدور الشوم
ويوم الولادة
شقوا بطنك شق
فغاب نورك
لما انخرس عبد الحق
وجوة الدفاتر
الفاعل " مجهول"
وانتي مش قادرة
تقولى لاء
بحبك مهما تقولى لاء
#كلنا_حماس
#مكملين
#احنا_متراقبين
#ارحل_يا_عرص
#مرسى_رئيسى
#كلنا_مسلمين
#شبكة_صوت_الحرية
