سامى الرفاعى
افتكر ان فى رئيس كده اسمه السيسى وعد ناس كده اسمهم شعب مصر انه يحميهم من كلاب كده اسمهم الارهاب واخد بتاعه كده اسمها تفويض من اللى اسمهم ايه دول شعبه
الا فين ياخويا وعدك ده ماشفناش حاجه غير ان جيشك عمال يموت ويتقتل واحد ورا التانى وبنفس الطريقه ف كل مره هو فى ايه هو حضرتك ناوى تنفذ ام الوعد ده امتى
اه صحيح ماانت ياعينى مش فاضى غير انك تطلع كل يوم والتانى تزور الست اللى ضربوها وتجيبلها ورد والاعلام يصور وانت بتعتذر عشان يتقال عليك راجل ومحترم ..... وشويه ويصوروك وانت بتزور مرضى السرطان ويقولوا عليك شهم وجدع..... ويوم ماتقوم القيامه وتحصل مصيبه زى دى تعملك كلمتين على تسبيلتين وتقول ان إن شاء الله بكره احسن وان مصر بخير .....
لا بس والله والشهاده لله الراجل كتر خيره برضه عارف ان مصر مستهدفه وان العمليات التفجيريه مموله من بره بصراحه ابهرتنى المعلومات اللى عمرها ماكانت هتيجى على دماغ اهل اللى جابونا خالص بصراحه انا كدنيا انبهرت لا وعجبتنى اوى كلمه( احنا عارفين ان هدفهم اسقاط البلد اصلهم شايفنا ناجحين فى كل حاجه وعمالين يقولوا ايه هو المصرى ده هيفضل ناجح كده على طول ) لا بجد انا نفسى اسألك سؤال: انت مصدق نفسك؟ طب مصدق بؤك؟ ولا احنا اللى عبط وبينضحك علينا ....نفسى بقى نبقى اد الكلمه ونجيب حق اللى راحو بدل مانزود اللى بيروحوا
طب اتفضل اللسته اللانهائيه من الضحايا وقولى جبت حق مين فيهم غير انك جمعتلى اهاليهم والاعلام يصور برضه وانت بتقولهم دمهم فى رقبتنا وهما ياعينى عشان غلابه مافتحوش بؤهم ادامك وصدقوك ولسه هيصدقوك برضه فى كل وعودك
طبعا انا هتشتم وهيتقال عليا احلى كلام بس اقولكوا حاجه ......طظ ولا يهمنى انا بجد مش فاهمه هى الناس هتفضل تطبل وتصدق الكلام ده كله لحد امتى ....توب علينا يارب
