=== الناس يا فرعون كلامهم منطقى بيقولوا مادام رضينا بالانتخابات يبقى نخلينا زى كل دول العالم ومفيش تغيير الا بها
= مش هاخلى حد يسمعهم .. هاقفل قنواتهم و جرايدهم ..و مفيش حد منهم ولا من غيرهم هيتسمع صوته غير بس رجالتى
=== الناس يا فرعون بعد ما قفلت لهم القنوات و الجرايد بتاعتهم راحو قعدوا فى رابعة و النهضة يسمعوا الناس صوتهم
= هاضربهم بالرصاص والمدافع و الطيارات و احرق جثثهم و اللى ما يموتش فيهم هاسجنه و هاصادر اموالهم و شركاتهم و استبيح اعراضهم و اطاردهم فى بيوتهم و فى الشوارع
=== يا فرعون ..ناس كتير محايدين عمرهم ما كانوا منهم و معروف عنهم كلمة الحق انصفوا الناس دول و بيقولولك ارجع عن طريقك .. محمد عمارة وزغلول النجار و سيف عبد الفتاح ومحمد الجوادى و ايات عرابى و علاء صادق و نيفين ملك و طارق الجوهرى وسلامة عبد الحميد و سليم عزوز ماحدش من دول عمره كان منهم
= اللى هيتعاطف معاهم او يقول كلام غير كلامى هافصله من شغله او دراسته وهالفق له القضايا و اسجنه
=== فرعون .. الكلام اللى كنا بتقولو كذب بدون دليل على اعراضهم اتردلنا فى اعراضنا .. حملتك اللى فى المحلة متصورين و العالم كله شاف فضايحهم ..و فى القاهرة الناس بتوعك بيغتصبوا بعضهم فى الشارع.. الظاهر ان دى اشارة ان ربنا بيدافع عنهم
= هنغطى علموضوع باى كلام و نلهى الناس فى اى حاجه و محدش هياخد باله
=== فرعون ..رجالتك بيموتوا موت الفجاة ..صحفيينك بيموتوا صغيرين من غير حوادث ولا مرض ..دى حاجه ما تطمنش
= اللى يموت يموت .. غيرهم هيكملوا
=== فرعون ..ذكرك على الانترنت بقى بالاهانة .. لو قابلت اى ملك ولا رئيس بتتهان .. سواد وشك فى يوم تنصيبك ..كره الناس لك و دعواتهم عليك ..ماحدش فى العالم قبلك حصل معاه كده ..راجع نفسك
= انا عندى الناس بتوعى بيقولوا عنى اللى انا عايزهم يقولوه .. مش مهم حاجه تانية
=== فرعون .. فى حاجات مش طبيعية بتحصل .. حوادث الطرق و القطارات زيادتها مش طبيعية و مية النيل فى الصعيد اتعكرت و طابا غرقت فى السيول وشرم الشيخ مليها البق وكفر الشيخ السمك بيموت فى المية و الزلزال بيحتفل بعيد ميلاده و الامراض اللى كانت انتهت بترجع تانى .. الظاهر ان ده تحذير لينا
= و مين اللى هيقول للناس ان حاجه من دى بتحصل .. اللى هيعرف مش هيلاحظ و لو لاحظ هينسى و مش هيفتكر غير الكلام اللى بنكرره عليه فى الاعلام
=== فرعون .. الناس حياتهم بقت صعبة و العيشة بقت ضنكى ..مفيش كهربا مفيش تموين .. الناس اكلها بيفسد و العيانين بتموت ..الورش و المحلات بتخسر ..الاسعار زادت و التجار مش عارفين يبيعوا ..و المواصلات اسعارها زادت و الناس مش عارفة تتحرك .. دا غضب ربنا نزل علينا ..لسه فى فرصة نرد الحق لاصحابة
= اللى بيعانوا من الحاجات دى مافيش فى ايديهم حاجه يعملوها و ملهومش اهمية عندى .. اللى انا محتاجهم معايا كلهم مرضيين و مش حاسين بالكلام ده و طول ما هما معايا ... : من اشد منا قوة ؟
=================
(اسْتِكْبَارًا فِي الأَرْضِ وَمَكْرَ السَّيِّئِ وَلا يَحِيقُ الْمَكْرُ السَّيِّئُ إِلَّا بِأَهْلِهِ فَهَلْ يَنْظُرُونَ إِلَّا سُنَّةَ الأَوَّلِينَ فَلَنْ تَجِدَ لِسُنَّةِ اللَّهِ تَبْدِيلًا وَلَنْ تَجِدَ لِسُنَّةِ اللَّهِ تَحْوِيلًا) (فاطر 43)
