اه ياشعب

ياشعب ياللي مالكش قيمة
دايما تاخد بالقديمة
يدبحوك زي البهيمة
ويعملوا معاك السليمة
وتاخد بالجذمة القديمة
وضاعت منك العزيمة
اه ياشعب مالكش ديه
في عصابة الوسية
مبارك والسيسي والحرامية
والبراءة للمجرمين والبلطجية
والعصابة هيه هيه
واولاد مبارك بقوا ثورجية
وكلاب السيسي يقولوا قومية
والقومية لحماية الدولة الصهيونية
عسكر وحبة حرامية
وشوية كلاب بوليسية
اغتصبوا السلطة الشرعية
اه ياشعب وخدعوك
وبالتراب الرخيص باعوك
ونصبوا عليك حاكم صعلوك
انتوا اللي قولتوا لمبارك اخترناك
ولكلبه سيسي فوضناك
دايما تقولوا للظالم احنا معاك
واهو دلوقت خدت علي قفاك
وطلعوا مبارك برائه ولومش عجبك
ارمي نفسك م الشباك
اه ياشعب وبيحكموك عصابات
عسكروشرطة وقضاء ومخابرات
المهم يحموا حدود ايلات
ويدمروا رفح بادبابات
ويقصفوا اهل سينا بالطائرات
وكشفت لنا التسريبات
ان مصر بتحكمها عصابات
عسكر وشرطة وقضاء ومخابرات
كلمات الشحات شتا

بقلم: #_الشحات_شتا