فارس السلمية يكتب ::--
" ابن حرام "
واحد ماشى مع واحده بعلم امها و غلط معاها وبدأت اثار الغلطه تظهر على البنت فأمها قالت للولد يتجوزها قدام الناس ويعزموا المنطقه بتاعتهم كلها علشان صورتهم ما تبقاش وحشه فهو وافق على الرغم من انه عارف ان الجوازه من هاتطول لانه مش هايقدرش يفتح بيت علشان ظروفه المادية زفت ولا هايقدر يحمى حتى مراته ويدافع عنها ...
------------
فأهل البنت عملوا فرح كبير قوى قوى وعزموا كل واحد فى المنطقه بتاعتهم علشان يعرفوا المنطقه كلها ان الواد والبنت اتجوزوا شرعى ولان اهل المنطقه بتاعتهم عارفين القصه من اولها وان الواد ماشى مع البنت من زمان فى الحرام محدش راح الفرح الكبير قوى ده الا عدد صغير جدا وهما الناس اللى ستاتهم بترقص فى الفرح قدام الناس كلها علشان تجامل العريس ..
-----------
وبالرغم من اشهار الزواج امام الجميع الا ان اهل العروسه لاحظوا ان الناس بتتجنب الاختلاط بيهم او الاعتراف بالجواز ده وبتلقح عليهم كلام ليل ونهار ان وجود الولد والبنت فى المنطقه مبوظ سمعتها وان محدش راضى يدخل المنطقه يعمل فيها مشاريع جديده وان كل الكوارث اللى بتحصل فى منطقتهم دى بسببهم ولما البنت خلفت بدأت الناس تلقح عليهم كلام كل يوم صبح وليل ان ابنهم ده {
#ابن_حرام } ولم يتحمل الولد كل الضغوط الماديه والمعنويه والامنية عليه ولم يتحمل ايضا اهل المنطقه وقف الحال والانهيار الاقتصادى وغضب ربنا اللى عمال ينزل عليهم بسبب وجود هذا الخائن بينهم فحطوا ايديهم فى ايد بعض وقرروا ينضفوا منطقتهم من كل المغتصبين الخونه علشان ربنا يرضى عليهم ويرفع عنهم الغضب اللى عمال ينزل عليهم .....
-----------
حد فيكم فهم معزى القصه دى ياسادة ؟؟
مغزى القصه ايها الاحرار ان الانقلاب عفوا ابن الحرام هايفضل ابن حرام ومحدش هايعترف بيه حتى لو عملوا انتخابات هزليه لتنصيب قائد الانقلاب رئيسا انقلابيا وصوروا للعالم بالكذب ان الاعداد كثيفه جدا وفى الاخر هايخرجوا يلطموا زى يوم الدستور ويقولوا ان الاقبال ضعيف وانهم اتفضحوا فى العالم ........
وحتى لو اعترف بالانقلاب العالم كله فابن الحرام هايفضل ابن حرام فى نظر الجميع وطول ماالناس بتلقح عليه كلام فى الشارع ليه ونهار وبتتظاهر مفيش استثمارات هاتجيله ومحدش هايعترف بيه الا اسياده اللى رسموله الانقلاب ...
ايها الاحرار العالم كله ينظر اليكم انتم الان ولا ينظر الى مسرحية التنصيب الهزليه فاستمراركم فى الشوارع وصمودكم هو القول الفصل بعد فضل الله فى سقوط هذا الانقلاب وتطهير الوطن من هؤلاء المغتصبين الخونة .........
