- قبل ما حضرتك تقرا التحليل ده باكرر للجميع اننا لا نعول الا على الله سبحانه وتعالى ثم صمود الاحرار فى الشوارع والمعتقلات ولكن ده ما يمنعش اننا نحاول نقرا الملعب من حولينا كويس أخذا’’ بالاسباب ولنتخذ من الخطوات الاستباقيه التى تصب فى النهاية فى مصلحه ثورتنا وعدم وثوب قوى مخابراتيه على مجهودنا اللى بقاله 17 شهر فى الشوارع .....
===================
- خلونا نبدأ التحليل بتاعنا بالاوامر اللى صدرت من امريكا لاذرعها الاعلامية العربيه والامريكيه بتركيز الاضواء على معركة عين العرب كوبانى وكأنها معركة تحرير العالم واللى كان غرضها من التركيز ده احراج أردوغان وتوريطه فى المعركة ولما فشلت فى كدا أمرت الاكراد الاتراك يعملوا احتجاجات كبيره فى تركيا ولكن اردوغان قمعها وأستمرت معركة امريكا فى عين العرب كوبانى دون ان يسقط أردوغان فى الفخ .....
====================
- وعندما فشل المخطط الاول لجأت للخطه b وطلبت منه إدخال مقاتلين اكراد من معبر مرشد بينار لمساعدة قوات الحماية الشعبيه الكردية فى قتالها لداعش لكى يرفض أردوغان ذلك بحجة انه على الحياد ولكنه وافق وأحبط مخطط امريكا الثانى لاحراجه واظهارها كداعم للارهاب ...
.
====================
- وعندما وجدت بعد محاولات عديده ان مفيش فايده وإنها مش قادرة تورط تركيا فى حربها على داعش وبعد مفاوضات سريه مع تركيا أمرت أذرعها الاعلامية انها تخفف تسليط الاضواء على عين العرب كوبانى زى ما احنا كلنا ملاحظين دلوقتى ....
===================
- طيب حد فاكر شروط اردوغان علشان يتحالف مع امريكا فى حربها على داعش ؟؟ ..
- أه طبعا كان عاوز منطقه عازله شمال سوريا وإزاحة بشار الاسد ...
===================
- وهل تحقق لأردوغان ما أراد ؟؟ ....
- اعتقد ان جزء كبير منه فى طريقه للتحقيق والدليل اقاله هيجل وتصريح وزير الخارجية الامريكى بموافقة بلاده على اقامة منطقه أمنه شمال سوريا وإن الاسد فقد شرعيته فى اشاره واضحه على ان اللى كسب معركة العض على الانامل بين تركيا وامريكا هى تركيا مش امريكا لان مفيش أمام امريكا خيار تانى بسبب ان داعش بتتقدم على الارض فى سوريا والعراق بطريقه مرعبه لدول الخليج بالرغم من القصف الجوى الذى لم يتوقف كل ده بيخلى امريكا فى احتياج الى حليف قوى مثل تركيا للتصدى لهذا الزحف الذى لا يتوقف .....
===================
- طيب والسؤال بقى إيه اهمية التحليل ده اذا كان صحيح بالنسبه لقضيتنا ؟؟
- بص ياسيدى انا سردت التحليل ده كله علشان نوصل للنتيجة الاخيره وهى إن تقريبا أردوغان ركب ودلدل رجليه على قفا امريكا وأمريكا انصاعت لكل شروطه { اللى على ما يبدو إن من ضمنها أن تتخلى امريكا عن فرعون مصر حليف بشااار وعدو أردوعان } ولو حضرتك اتفقت معايا فى النتيجة الاخيرة الى وصلنا ليها فى التحليل ده
......
- هاتفهم ليه الماما خرجت البرادعى يتكلم دلوقتى .....
- وهاتفهم ليه الماما خلت واحد زى ساويرس يهوهو على السيسى ويقول ان التعامل اللى بيتم مع الاخوان دلوقتى تعامل خاطىء ....
- وهاتفهم بردو ليه بريطانيا والبيت الابيض رفضوا تصنيف الاخوان كجماعه ارهابية
- وهاتفهم ليه تسريبات العسكر ظهرت دلوقتى ومين اللى بيظهرها وعاوز يوصل لإيه من وراها ؟؟
- وهاتعرف بردو ليه السفارات الاجنبية بتعلن تعليق اعمالها فى مصر واحده تلو الاخرى .
- وهاتفهم بردو وده الاهم والاخطر ان الثوار اللى فى الشارع وقياداتهم لازم يتحركوا بسرعه وذكااااء علشان نحافظ على مجهودنا اللى فى الشوارع من سنه ونص ونحبط المخططات المخابراتية الجديده للوثوب على ثورتنا وسرقتها عن طريق وجه عسكرى او مدنى حنين ونحنوح جديد والقول ان على العسكر والاخوان التراجع خطوه للوراء بحجة الخروج بمصر من أزمتها ‫#‏الراااااااااهنه‬ ...
==================================

بقلم: #فارس_السلمية