7 جنيه لكل مواتن
اصل الحكايه
سلفنى 3 جنيه وخلى معاك اربعه
ايه انتوا هاتاكلوا مسر؟؟؟
شوف ياسيدى اصل الحكايه
هانديك سبعه جنيه ونستلف منك 4 جنيه يبقى انتا معاك 3 جنيه
هاناخدهم منك نستثمرهم فى كناة السويس الكتيته
وهانديك سهمين بفلوسك
وهانعمل شركه تدير الاسهم بتاعتك انتا والمسريين
وهانعين فى الشركه ولادنا ونسايبنا
وبكده هانحتاج ناخد منك عشره جنيه كمان عشان انشاء الشركه
يبقى انتا ليك فى ذمتنا كام؟؟
برافو عليك....شاتر شاتر
بس حق مسر عليك بقى فين ياشاتر؟؟
طبعا لازم تدفع ضرايب للبلد ام التنيا
هاناخد منك ضرايب 30% بس
وعشان مسر
هاناخد منك ضرايب على ال 7 جنيه اللى اخدتهم
وماتخافش احنا اللى ربنا بيقول عليه ماتعملهوش بنعمله
هاناخد منك الضرايب على ال7 جنيه وحق ربنا يبقى لازم نخصم من الضرايب قيمة ال 4 جنيه اللى اخدناهم منك
يبقى انتا هاتدفع كام؟؟
هاتدفع ضرايب على ال 3 جنيه بس
وهاتدفع حق مسر على ال7 جنيه اللى اخدتهم الاول
يبقى ليك فى ذمتنا كام ياخويا؟؟؟
ليك فى ذمتنا 4 جنيه قيمة الاسهم .. بس لازم تدفع الضريبه وحق مسر الاول
يعنى هانديك 7 جنيه ونخصم ال4 جنيه ومصاريف انشاء الشركه اللى هاتدير الاسهم بتاعتك ..يبقى عليك كام؟؟؟
حق مسر ..مش هانسيبه ..هاتدفع يعنى هاتدفع
لازم نضحى بجيلين تلاته عشان الرابع يعيش
يعنى ارباح الاسهم هاياخدها ابن حفيدك
بعد مانخصم حق مسر وضرايب مسر
وطبعا فى جيش هايحمى استثماراتك وشرطه كمان وقضاء شامخ ومقدس
يبقى ليهم فى ذمتك كام؟؟
انا بتكلم معاكم بصدق
عشان مسر
يعنى عاوز اسياد البلد يحمولك فلوسك من غير ماتدفع..لازم تدفع
وطالما بقى عندك اسهم
يبقى لازم تستحمى عشان ريحة عرقك بتقرف تامر امين
يبقى لازم نسلم كل واحد فيكوا صابونه من انتاج مصانعنا
تمن الصابونه بقى على حسابك ياشاتر
وعشان نشجع الصناعه المصريه يبقى لازم تدفع تمن الصابونه
وطبعا من غير اى دعم ..انتا بقيت مستثمر
يلا يامواتن منك له ..له
ادفع تمن الصابونه
ولو مش عاجبك غور من مسر

بقلم: #ايمن_امام_عبد_الحكيم