الواد خوخ وقع فلان في الواد علان
خوخ قاله الحق يافلان اطعن في علان
وحتطلعه فورا من قدامك في الامتحان
علشان عمك سان بيحضرمكانه الامتحان
سمع فلان نصيحة خوخ وطعن في علان
طلع علان بيعرف يقرا سورة الرحمان
زعل فلان وقرر يشتكي الواد علان
اتحفظت كل شكاوي الواد فلان
وخانه المحامي بتاع منشية اغا خان
و يوم الانتخابات نجح علان في الامتحان
زادغضب الواد فلان
وسئل فلان عن المحامي نعمان
واشتكي علان علي محاضر المبان
صور المبني واشتكي في الصولجان
حضرت النيابه والشرطة والصولجان
وعملوا اربع محاضر للواد علان
بعت علان للواد فلان يعملوا قاعدة عربان
رفض فلان وقال اعلي مافي خيله يركبه كمان
جاب علان السلاح وراح يضرب فلان
طلع فلان فوق السطوح استخبي زي الفيران
حضر الجموع وقالوا لعلان انته غلطان
رجع علان وقالهم اشتكاني وخسرني حق فدان
قعدوني معاه ارجوكم يا اخوان
رفض فلان وقام علان وضرب بنته كمان
حضر البوليس يقبضوا علي الواد فلان
جري فلان في الزرع وسط الغيطان
نادي وقال الحقني ياشعبان
خبيني من البوليس مان
وبعد ايام راح علان يضرب فلان
قفل فلان الباب وقال اصرخوا يانسوان
حضرت النجده وقبضوا علي فلان
وراحو يقبضوا علي الواد علان
هرب في الزرع خدو موتوسيكله بتاع زمان
ومازالت قضية فلان وعلان حديث الشارع والميدان
وسنوافيكم بكل التفاصيل ياجدعان
كلمات الشحات شتا

بقلم: #الشحات_شتا__الشحات_شتا