بخصوص كتائب حلوان .. من امبارح الفيديو بيجى عندى و اقرأ العنوان و ما افتحوش و ما كنتش ناوى افتحه لانى متاكد من النتيجة اللى هاوصلها.. انا عارف انهم مش هيسيبوا كتاب ( الحرب القذرة ) غير لما يخلصوه من الجلدة للجلدة . كتاب الحرب القذرة مؤلفه ضابط مخابرات جزائرى سابق و قال فيه انه اتكلف هو و مجموعة زمايلة من قادتهم يطلقوا لحاهم و يشكلوا مجموعة تعمل نفسها جهادية و تعمل عمليات قتل بشعة و تطلع بيانات ..لكن لقيت الكلام كتر اوى ففتحته و وجدت فيه ملاحظات .. مش هاكرر ملاحظات ناس تانية قالتها لكن هاضيف الملاحظات التالية : = اللكنة التى يتحدث بها المتكلم ليست لكنة اهل حلوان ولا اهل القاهرة و اللى دخل الجيش و سمع كل لكنات مصر ممكن يميز كده .. و اللى ما دخلش يسمع كلمة ( قتلنا ) اللى قالها فى الدقيقة 2.49 و هو ممكن يعرف .. و استخدام الالفاظ الميرى زى جنوب القاهرة و النصب التذكارى واضح = المتكلم حريص انه يقول انه مش اخوان لانه عارف ان الاخوان بسهولة هيقدروا يعرفوا انه مش منهم و يكدبوه و حريص انه يحشر الجيش فى كلامه بدون مناسبة و يسميه جيش كامب ديفيد و بعدين يرجع يقول نسلم سلاحنا للجيش = متظاهرين حلوان لهم الاحداث الخاصة بهم وحدهم كتير زى المجزرة اللى الامن قفل عليهم النفق من الناحيتين و قتل فيهم و ده كان اولى انه يذكرها من الاحداث العامة رابعة و النهضة = اجسام كل المجموعة اللى طالعة فى الفيديو تقول ان دى مش اجسام طلبة ولا شباب صغيرين .. دول ناس كلهم اعمارهم اكبر بكتير من سن الجامعة بس اجسامهم رياضية بسبب التدريبات .. مش عايز ازود و اقول اصواتهم كمان عشان الناس ما تقولش انى بابالغ بس فعلا اصواتهم دى اصوات الندا على العساكر فى الطوابير العسكرية = الكومبارس اللى المخرج خلاهم يمشوا فى الخلفية باين اوى انهم عساكر من اعمارهم و مشيتهم . انا وقفت الصورة كذا مرة و اتاكدت انها الخطوة العسكرية المعتادة = ميعاد ظهور الفيديو هو نفس يوم ظهور ضابط فى التلفزيون يعلن انه تم اخصائه من شهر و نص .. رغم ان نفس الظابط و زمايله نفوا الموضوع ده لما اعلن عنه وقتها و الضابط طلع اتريق عليه على صفحته فى الفيس بوك.. ايه اللى فكر الضابط دلوقتى؟؟ و هل هو تطوع من نفسه و اتصل بالتلفيزيون عشان يقولهم المعلومة المفيدة دى ولا هو هف على البرنامج فقالوا يطلبوه يكمل تريقة ؟؟؟ طبعا ولا دى ولا دى لكن مكالمته كانت لبث الكره و الحقد لدى افراد الشرطة على المتظاهرين و اشعارهم بالخطر وافهامهم انهم لازم يقضوا على المتظاهرين عشان يحافظوا على حياتهم و ايجاد حافز جديد للشرطة لقتل المتظاهرين لان الحوافز القديمة مر عليها سنة و بدات كذبها يبان وما تاثرش ... نفس اسباب ظهور الظابط ده فى التلفزيون هى نفس اسباب ظهور فيديو كتايب حلوان فى نفس اليوم = فين الطلبات ؟؟ ليه ما ادوش مهلة للافراج عن كل المعتقلات ؟؟ ليه ما اعلنوش قايمة باسامى الضباط اللى ارتكبوا الجرايم او حتى اماكن عملهم؟ ليه ما قالوش هما عايزين ايه؟؟ = دلوقتى التنابلة بتوع ال50% بيقروا تعليقات الناس على الموضوع و يشوفوا اتفقسوا ولا لا .. لو عرفوا انهم اتفقسوا هيعلنوا ان المجموعة تم القبض عليها و يلبسوها لاى حد عندهم او يقتلوا لهم كام واحد و يقولوا هما دول ..
