انا مش عازك تحب الاخوان
وكمان مش عايزك تكره الاخوان
واكتر من كدة مش عايزك تحب او تكره اى حد
لكن لنفسك انت ومش حد تانى خليك منصف _صادق_ عقلانى
لما تكون منصف انت المستفيد مش الاخوان او غيرهم
لما تكون صادق بردو انت المستفيد
لما تكون عقلانى انت المستفيد
تعرف ليه
لانك انت اللى هتتحاسب على كل كلمة تنشرها سواء كنت عارف انها كذب او مش عارف بردو هتتحاسب ومش هيبقى ليك حجة امام ربك وتقوله اصلى ماكنتش اعرف لانه امرك (يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا) وانت ما تبينتش
لما تجيلك معلومة عن حد اتحقق منها كويس قبل ما تنشرها
لازم يكون مصدر المعلومة موثوق فيه
لازم المعلومة يقبلها العقل والمنطق السليم
لازم يكون للمعلومة توثيق
هو ده التبين اللى امرك به ربك وتاكد انك لو عملت كدة معظم اللى بتنشره مش هتنشره
وخليك عارف انك انت الكسبان لما تعمل كدة واللى بيتنشر ضده الاكاذيب مش هيخسر حاجة بل بالعكس بيزيد حسنات على قفاك انت
لو عملت كدة هتبقى حطيت رجلك على اول درجة فى سلم الحقيقة والمعرفة
واعلم ان الفائز هو ﴿يَوْمَ لَا يَنْفَعُ مَالٌ وَلَا بَنُونَ * إِلَّا مَنْ أَتَى اللَّهَ بِقَلْبٍ سَلِيمٍ﴾
#يحيى_صلاحyehiasalah https://www.facebook.com/photo.php?fbid=839376799445338&set=a.186958268020531.44617.100001190772853&type=1
