لو الناس نزلت انا هنزل
هو /انا مستنى اشوف لو الناس نزلت انا هنزل معاهم
انا/ اكتر كلمة غلط بتتقال انك مستنى الناس تنزل علشان تنزل معاهم كل واحد زيك هيفضل مستنى غيره علشان ينزل يبقى مافيش حد هينزل والكل هيفضل مستنى
هو/ خلاص انزل لوحدى واموت
انا/ انت تعرف انى بنزل من قبل ثورة يناير واخدتك معايا كتير وفيه ناس ماتت وناس ماماتتش وانا واحد منهم تفتكر دى شطارة منى ولا خيابة من اللى ماتوا
كل الحكاية انى اجلى ماجاش ولو كنت نايم على سريرى واجلى جه ماكانش هيتاخر والناس اللى ماتت اجلها انتهى ومش هياخدوا دقيقة زيادة ولا حد بينقص من عمره دقيقة لكن لما تموت على الحق غير لما تموت وانت متخازل
يبقى لازم تنوى انك نازل وتقول لكل واحد تعرفه لازم كلنا ننزل
دى بلدنا كلنا ومش هنجيب شعب تانى يحررها وما ينفعش كل واحد يتكل على غيره وكل ما عدد الناس يزيد كل ما الخسارة البشرية هتنخفض يبقى لازم كلنا ننوى اننا ننزل وناخد معارفنا معانا
وكل مجموعة تكون عارفة بعضها كويس علشان ما حدش يندس بينها
القوة فى المجموعات الكبيرة علشان لو حد تعرفه اتعرض لاى خطر باقى المجموعة تخلصه وتتكتر على اى حد مندس وتروقه
يبقى كلنا نازلين
#الجمعة 14/8/2015
كلنا مع بعض
#يحيى_صلاحyehiasalah https://www.facebook.com/thawretelfokaraa/photos/a.642749319193795.1073741828.642710745864319/655296577939069/?type=1
