اليسار الفرق / بيننا وبين الاخوان اننا وطنيين اكتر وبنحب البلد اكتر
الاخوان الفرق/ بيننا وبين اليسار اننا بنحب الدين اكتر
النظام الفاسد / الفرق بيننا وبين الاتنين اننا قرطسناهم كلهم
كل من اليمين واليسار يتحدث عن غيره بانه اقل منه ويريد اقصاؤه
الكل يردد كلام وخلاص سمعه من اشخاص من نفس تياره فى رايه عن الاخر
لو كل واحد تعب نفسه شوية وراح لاخوه واتكلم معاه هيكتشف ان كل اللى كان فاكره عن التيار التانى كله كان غلط وكله كان اشاعات مصدرها الوحيد هو الانظمة الفاسدة
النظام الفاسد كان دايما بيدس عملاء له فى وسط كل تيار لاهداف مختلفة ففيه منهم يندس للابلاغ عن الناشطين واصحاب المبادئ داخل التيار ومندسين اخرين وظيفتهم هى نشر الاشاعات والافكار المضللة وانا قابلت كل هؤلاء
علشان كدة لازم تفهم انك مش اكتر وطنية من غيرك
علشان كدة لازم تفهم انك مش اكتر تدين من غيرك
علشان كدة لازم تفهموا انكم كنتم قراطيس للنظام الفاسد
انا اتعرض على من كل التيارات الانضمام ليهم ورفضت وفضلت اكون مستقل
مش علشان فيه عيب فى التيار ده او غيره لاكن علشان اشوف المشهد كله من برة من غير تاثير حزبى او طائفى على
فيها ايه لو بطلت تتكلم الا لما تسمع غيرك كويس اظن حكمك هيكون افضل من انك تتكلم من غير ما تسمع
#يحيى_صلاحyehiasalah https://www.facebook.com/photo.php?fbid=842020759180942&set=a.186958268020531.44617.100001190772853&type=1
