هدينى ايه
علشان تعمل ثورة فيه حاجات لازم تفهمها كويس وتستوعبها لان من غيرها مافيش ثورة
اولا علشان تعمل ثورة يبقى لازم شعب اللى يعمل ثورة مش تيارات سياسية ولا فصيل واحد ممكن يعمل ثورة ماحصلتش ومش هتحصل
لازم نشوف الصورة كاملة بكل تنوعاتها يعنى لازم تعرف ان كل تيار وفصيل علشان يشاركك لازم يعرف هيكسب ايه والاهم كمان المعادلة الصعبة (الشعب) الناس العادية الغير مسيسة او مادلجة كل واحد فيهم هيسالك نفس السؤال (انا هكسب ايه لو جيت معاك) سؤال طبيعى ومنطقى لازم تكون اجابتك عليه على حسب اللى بيسال مش على حسب هواك السياسى او العقدى يعنى انت لو ليبرالى وبتتكلم عن حرية هيقولك ياعم انا عايز اعيش عبد بس اكون امن على نفسى
ولو انت اسلامى هتقوله علشان تنصر الدين هيقولك (انا جعان والصايم بياكل قبل ما يصلى)
كل واحد له اولويات لازم تكون عارفها
والسؤال الاهم عند رجل الشارع العادى بعد ما تقوله انك هتعيش فى امان وهتاكل هيقولك ماانتم هتتخانقوا على الكرسى لو نزلت معاكم وعملنا ثورة وشيلنا النظام
انا مش عايز فوضى (ظلم ظلم بس مش فوضى)
حتى ظابط الشرطة او الجيش هيقولك ما انا لو سلمتلك وانت انتصرت انا اول واحد هتنتقم منه يبقى انا مضطر اقاومك لاخر نفس
يبقى لازم لما نعمل معادلة صعبة زى دى نعمل حساب كل واحد هيكسب ايه ونحققله اعلى المكاسب واقل الخسائر
ازاى بقى
اولا راجل الشارع وهو اهم نقطة فى المعادلة
لازم يكون عارف ان فى مرحلة الثورة هيكون فيه لجان امنية منظمة ومدربة قدر الامكان لتحقيق الامن
لازم يكون فيه مجموعات لتلبية احتياجات الناس من الماكل والمشرب من مخزون يتم فى وقت سابق على الثورة
راجل الامن لازم يبقى فاهم انه مش هيخسر منصبه لو انضم للثورة ومش هيكون مستهدف من الناس بعد الثورة الا المتورطين فى الانتهاكات الجسيمة
السياسى لازم يبقى عارف انه مش هيتم الانتقام منه او تشويهه فيما بعد او تكفيره او التضييق عليه وتتوفرله مساحة عمل جماهيرى لعرض نفسه فى السوق السياسى
دى بعض النقاط وليست كلها فقط لانى احاول اختصار الموضوع بقدر الامكان
#يحيى_صلاحyehiasalah https://www.facebook.com/photo.php?fbid=846521618730856&set=a.186958268020531.44617.100001190772853&type=1
