أفلام ساقطة !

محمد علي لم يبن مصر الحديثة بل فصلها عن الخلافة العثمانية وتآمر على الجزائر

الإخوان المسلمون كانوا يحاربون الصهاينة ويقاومون المحتل البريطاني وهم الفدائيون اصحاب اكبر عمليات فدائية ضد معسكرات الاحتلال وجنوده وضباطه

جمال عبد الناصر كان عميلاً للمخابرات الامريكية ولقاءاته معهم مسجلة في الكتب وعلاقته بالمخابرات الامريكية ثابتة واصبحت تاريخ ولكنك فقط لا تريد أن تقرأ

عبد الناصر لم يقدم مجانية تعليم للشعب, فمجانية التعليم كانت موجودة من قبله وهو شخصياً استفاد منها وأبوك الفلاح لم يتعلم بسبب عبد الناصر, لأن عبد الناصر نفسه والده موظف بريد بسيط ( بوسطجي ), ودخل الكلية الحربية وأغلب الضباط الأحرار كذلك !

أنور السادات كان عميلاً للمخابرات الامريكية منذ الستينيات بشهادة نائبه حسين الشافعي وكان رجل أمريكا في المنطقة والموضوع معروف ولكنهم يقولون لك انه بطل الحرب والسلام !

لا يوجد ما يسمى بنصر أكتوبر, فالحرب انتهت بحصار الجيش الثالث ( 45 الف جندي ) وبعبور العدو الصهيوني إلى الضفة الغربية ودباباته كانت على بعد 100 كيلومتر من بيت سيادتك في القاهرة والصهاينة أسروا 8338 أسير ( اكتر من أسرى الجيش في هزيمة 67 ), والعالم كله يعرف انها كانت هزيمة والحقيقة انها كمان كانت لعبة بين السادات وكيسنجر وديان عشان يعملوا سلام يحيدوا بيه مصر ويخلوا سينا من السلاح, انت بس اللي ضحكوا عليك بالرصاص لا تزال في جيبي والكام أغنية لكن الحقيقة في الكتب !

رأفت الهجان كان عميل مزدوج, بيتجسس على مصر لحساب الصهاينة بشهادة رئيس هيئة الأمن القومي ولواء بالمخابرات العامة وشهادته منشورة في المصري اليوم .. انت بس اللي اتضحك عليك بالمسلسل لأنه كان معمول حلو !

انت عايش على 4% من مساحة مصر وبيضحكوا عليك وبيقولوا لك فيه انفجار سكاني, مع ان حضرتك المفروض تعيش في فيلا انت واسرتك واولادك لأن مساحة مصر مليون كيلومتر مربع لكن الجيش حاطط ايده عليها وحارمك من حقك الطبيعي في أرضك !

الجيش مش بيحميك ولا بيحمي الحدود ولا حاجة, الجيش مش بيعمل حاجة غير انه بيسترزق من العمولة الامريكية, وبيجند ابنك عشان يخدم ظابط ويغسل له عربيته ويشتري لمراته الخضار, والجيش لم ينتصر في اي حرب, ومش بيعمل حاجة غير انه يتهزم واللي بيقع في الأسر الظباط الصغيرين والجنود لأنه جيش بدون عقيدة !

في الحقيقة أمك تقدر تحمي الحدود أحسن من الجيش الف مرة لأن الجيش مش بيحمي الحدود ودباباته بتهرب قدام البنادق, والمرة الوحيدة اللي اطلق فيها جندي النار على الحدود كانت ايام سليمان خاطر الله يرحمه والمخلوع سمح بدخول افراد من الموساد يقتلوه داخل السجن وقالوا لك انه انتحر وقالوا عليه انه مجنون, وهو كان اعقل واشرف واحد في مصر, والتراب اللي بيلمسه نعل جزمته براس المخلوع والسادات وكل قيادات الجيش لكنهم قتلوه عشان يقتلوا روح سليمان خاطر !

في الحقيقة عشان تحصل على حقوقك في البلد لازم الأول تعالج نفسك من ادمان افلام العسكر الساقطة اللي ضحكوا عليك بيها وبعدها تشيل العصابة اللي بتحكم مصر, وعشان تشيل عصابة الخونة والعملا دول لازم تتظاهر والنظام دا اضعف من الناموسة وصحيح هيقاوم عشان حياته لكن في الأخر ان شاء الله هيسقط !

‫#‏آيات_عرابي‬

بقلم: #_الإعلامية_ايات_عرابى