ماراسون الدراجات
مجتمع جميل ونظيف زي أفلام أبيض وأسود بتاعت زمان ...زي الحلم الجميل ..عجبني قوي..صراحة أنا كعفاف انشكحت طول العرض وانا عايشه فوق السحاب متخيله نفسي انا وجوزي وولادي لابسين ترنجات شيك وراكبين عجل وبنمشي في شوارع نظيفه وجميلة وواسعه .. كتفي بكتف رئيس الجمهورية وليلى علوي على شمالي وحسين فهمي على يميني ورئيس الوزرا ووزير الداخلية ووزير الدفاع ..!!! حلوه مصر ..جميله مصر ..نظيفه مصر ..آمنه مصر ...جميل أنك تعيش في مجتمع ديمقراطي حر .قائم على العدالة والمساواة .. والرحمة والحب ..الرئيس والشعب راس براس بيصحوا الصبح بدري يلعبوا رياضة سوا ويروحوا الشغل سوا على العجل محدش راكب لكزيس وحد راكب حمار ...الكل راكب عجل ... كان نفسي أكون مواطنة في مصر إللي ع القناة الأولى في التلفزيون المصري بس للأسف أنا من مصر إللي على قناة الفراعين مصر إللي نص شعبها جاهل والنص التاني.... فاكر أنه متعلم مصر إللي نص شبابها اتقنصت عنيه والنص التاني استشهد في مسيرة التعليم أنا من مصر إللي رئيس وزراءها بيعتبر الغاز الطبيعي رفاهية للأغنياء فقط أنا من مصر إللي بتقطع الرغيف اربعه عشان توفر لساويرس دعم الطاقة أنا من مصر إللي مرشحها للرئاسة كان بيخاطب الجموع الغفيرة عبر سكايبي أنا من مصر إللي رئيسها راح يقسم اليمين بالطياره عشان خايف يركب سيارة ويمشي في شوارعها أنا من مصر إللي رئيسها بيحكمها من غير برنامج ولا خطة ولا رؤية بيحكمها... بالحب أنا من مصر إللي حملة الماجستير والدكتوراه فيها وعدوهم بعربيات فاكهة في سوق العبور أنا من مصر إللي عايشه على فلوس الخليج وهدوم الخليج وسياسات الخليج أنا من مصر إللي بتسح وتنح على بنت اغتصبوها شباب مبرشم في التحرير وتعمل من بنها على بنات الأزهر إللي اغتصبوهم في اقسام الشرطة وطلعوا حوامل أنا من مصر إللي بتلم وتقطع من قوت ولادها عشان تعالج مصابين وجرحى الحكومه بتعتبرهم أرهابيين أنا من مصر إللي جوامعها محاصرة ومستهدفة وكنائسها محصنة أنا من مصر تانيه خااااااااااااااااااااالص شعبها مبيلعبش رياضة ولا بيركب عجل
#مكملين #احنا_متراقبين #ارحل_يا_عرص #مرسى_رئيسى #كلنا_مسلمين #شبكة_صوت_الحرية
