ضمير مستتر
لما حللت موضوع الثوره المصرية اكتشفت أن مشكلة الثورة أنها كانت أكبر من توقعات الثوار ...وأسوأ من توقعات المجلس العسكري

كل واحد فينا خاب أمله في الثورة

الشباب كان طالع يشيل العادلي أو نظيف لقى نفسه شال مبارك

والمجلس العسكري كان غرضه يزيح جمال لقى نفسه لبس في الاخوان

والمجلس العسكر والثوار وقعوا في حيص بيص ماذا بعد ؟؟

المجلس العسكري ساق الهباله ع الشيطنة والجيش حمى الثورة واديها شعارات ...وشال عيل على كتفه واتصور معاه كم صوره نتورهم في الشوارع

واحنا شعب يحب يزيط

والثوار سابوا التحرير وبدل ما يعملوا مجلس ثوري يقود الثورة ويخطط لها ..بقوا واخدينها كعب داير بين القنوات والبلية لعبت معاهم والشهره حلوه بردوا مفيش كلام

ودول جريوا من ناحية ودول جريوا من ناحية ووأدوا الثورة في التحرير

دفنوها صاحيه يا حرام وكنسوا الشارع وروحوا ناموا في بيوتهم

وصحيوا الصبح لقوا الثورة ماتت ومبارك لسه حي

#شبكة_صوت_الحرية
#انتخبو_العرص

بقلم: #دكتور_كريم_فوزى