فيه ناس بتقول مرسي كان إصلاحي و ربما " ضعيف " طبعا يقصدوا بالضعف هنا الأخلاق و الخوف من الله إذا ماظلم حد .
بس هما مخدوش بالهم أن مرسي لما خلع طنطاوي و مجلسه الفاسد كان قرار ثوري مذهل والغي اعلاناتهم الدستورية العبثية . وقتها فيه ناس من اللي بيزايدوا بدأوا يتكلموا عن أخونة الدولة وان مرسي هيسيطر علي الجيش و و و و
لما مرسي أصدر قرار باعادة مجلس الشعب المنتخب من 32 مليون مواطن ردا لاعتبار المصريين اللي الغي ارادتهم مجموعة من حثالة مبارك في كيان اسمه المحكمة الدستورية . اعتبروا ان مرسي بيواجه القضاء وضد دولة القانون ، مع ان القرار كان ثوري جدا .
لما مرسي غير الخطاب المصري الدولي و خلالها مكانة وقيمة في العالم بدأوا يتريقوا و يقللوا من قدرته و فكره السياسي المتزن ، وزعلوا لما وقف في صف غزة ودعمها واعتبروا ان ده انحياز لحماس اللي في نظرهم ارهابية وضد مصالح حبيبتهم اسرائيل طبعا .وده كان قرار ثوري جدا .
لما مرسي قرر يجيب حق الشهداء و اصدر الاعلان الدستوري الثوري الأروع و خلع النائب العام الفاسد ده كان قمة الثورية بعد خلع ملش طنطاوي . كل حثالة مصر وقفوا ضده ووصفوه بالديكتاتور لمجرد انه عاوز يحمي الثورة وينحاز للشعب . وبدأ تجار الثورة و الدم و العرض و الشرف يتحالفوا مع الفلول و العسكر لمجرد كراهية عمياء و بغيضة في قلوبهم للاسلام مش للاخوان المسلمين .
لما مرسي أصر علي الاستفتاء علي الدستور اللي انتقص من صلاحيات رئيس الجمهورية كتير جدا ، لأنه كان عاوز يعمل دولة محترمة اعتبروه دستور التقسيم و خراب البلد .
لما مجلس الشوري بدأ يفتش و يطلع فلوس الشعب المسروقة و بدأ يزبط البلد و الدنيا تتعدل كلهم اعتبروا المجلس أخونة و و و و غيرها من العبث اللي سمموا دماغ الشعب بيه .
طبعا السنة بتاعة مرسي كان كلها انجازات و كان قيادة مسؤولة تجاه جميع المواطنين حتي أعدائه و كان هدفه الوحيد حماية البلد والشعب و أعتقد صعب يجي حد زيه من العفن الموجود دلوقتي علي الساحة .
بس أنا مكنش عاجبني وكنت شايف أنه لازم يكون أكثر صرامة و بطشا بمعارضيه السفهاء و بمعارضيه الحقيقيين اللي هما الجيش و المؤسسات الأمنية .
أيام مانت كنت بتسير مع القطيع الكاره للاسلام و كنت شايف ان حمادة المسحول مواطن اتعذب و ان اللي بيحرقوا قصر الاتحادية ثوار و اللي بيحرقوا المقرات ويقتلوا الناس بالحجارة في المقطم ثوار ، أنا مكنتش شايف كده وكنت بتشتم كتير من المخنثين وقتها ، لأنها ببساطة مؤامرة .
متجيش دلوقتي وانت كنت مخنث و دماغك كلها تفاهة ومراهقة سياسية وتقولي مرسي كان طيب أو ضعيف .
لأ يا مخنث .. مرسي العالم برة و جوة كان ضده وانت كنت عامل واد ثوري فيها و واد مش عارف ايه .
الرجال مواقف يا قطعان البقر

بقلم: #دكتور_كريم_فوزى