#كل_عام_وانتم_بخير
أحد أهم المسلسلات اللي هتتعرض السنة دي في رمضان، مسلسل اسمه "حارة اليهود".. المسلسل ده تحديدا بيمثل قمة الاختراق الصهيوني للدراما المصرية بدون أي تستر أو احتجاب.
ْ
المسلسل بتدور قصته حول بنت يهودية (منة شلبي) بتحب شاب مسلم مصري، وأخوها اليهودي طيب وغلبان وبيحب مصر، ورافض يروح يحارب في الجيش الصهيوني في فلسطين.
ْ
في الوقت ده، هيظهر ممثل في دور الشيخ حسن البنا، قائد مليشيات اسمها الإخوان المسلمين، بتحاول تقتل اليهود في مصر، وبالفعل هيقتلوا الشاب اليهودي الطيب المسكين لمجرد إنه يهودي!
ْ
وبالتالي، أهل الشاب اليهودي ده هيكون فيه بينهم وبين المسليمن تار، وهيبعتوا ابنهم التاني لإسرائيل عشان ينضم للجيش الصهيوني ويجيب تار أخوه.
ْ
وطبعا، منة شلبي قلبها هيتكسر علي أخوها اللي اتقتل بإيد الإخوان المجرمين، وهتتعاون مع أسرة الشاب المسلم ومع أهل الشارع كله عشان يحاربوا الإخوان وحسن البنا.
ْ
الشخص اللي بيمثل دور الشيخ حسن البنا، مش بيعرف يقرأ قرآن ولا يتكلم كلمتين علي بعض، لدرجة إنه في إعلان المسلسل بيقول: "واضربوهم حيث ثقفتموهم".. والآية الصح: "واقتلوهم حيث ثقفتموهم".
ْ
المسلسل بيشارك في بطولته الممثل الأردني: إياد نصار.. اللي كان بيمثل دور الشيخ حسن البنا في مسلسل الجماعة، بس المرة دي طالع بدور ظابط مصري بيساعد أسرة الشاب اليهودي في الانتقام من الإخوان.
ْ
المقصود من المسلسل: إنك بعد ما تشوفه، وتتأثر بشخصياته، هتكون بتحب الشاب اليهودي الغلبان، ومتعاطف مع أخوه المتطرف اللي راح الجيش الصهيوني.. بينما العدو الوحيد اللي هيكون قدام عنيك، المجرم اللي فرّق ما بين قلبين بيحبوا بعض، هما حسن البنا والإخوان.
